Haki katika Kisa cha Nabii Musa (AS)

TEHRAN (IQNA) – Adl (haki) imefafanuliwa kuwa ni kuweka kila kitu mahali pake panapostahiki. Aidha ifahamike kuwa kila jinai, iwe dogo au kubwa, ni matokeo ya ukosefu wa haki.

Ndio maana kiongozi wa kikundi anapotenda haki na kuzingatia haki, inaweza kusaidia kuliokoa kundi katika mambo fulani ya mabadiliko.

Mwalimu au mkufunzi anapaswa kuzingatia uadilifu katika maneno yake, matendo na misimamo yake na katika muamala wake na wengine. Hapaswi kuzingatia mapendeleo au haki yoyote kwa mtu yeyote isivyo haki. Baadhi ya watu hukanyaga haki kwa ajili ya urafiki na mahusiano yao. Kuna wengine ambao hawafikirii urafiki na ujamaa kwenye njia ya ukweli na kamwe hawavunji haki kwa ajili ya urafiki au ujamaa.

Nabii Musa (AS) alikuwa mmoja wa watu hawa. Alipangwa kuwa mbali na watu wake kwa siku 30 na kisha siku kumi zikaongezwa kwa siku 30 za awali. Alipokuwa mbali, watu wengi wa Bani Isra’il walianza kuabudu ndama na jitihada za Harun, ndugu ya Musa, za kuwazuia zilishindikana.

Musa (AS) aliporudi baada ya siku 40 na akawaona watu wake wakiabudu ndama, alikasirika na kumkemea ndugu yake: “Na alipo rudi Musa kwa watu wake, naye amekasirika na kuhuzunika, alisema: Ni maovu yalioje mlio nifanyia nyuma yangu! Je, mmeitangulia amri ya Mola wenu Mlezi? Na akaziweka chini zile mbao, na akamkamata kichwa ndugu yake akimvutia kwake. (Harun) akasema: Ewe mwana wa mama yangu! Hakika hawa watu wamenidharau, na wakakaribia kuniuwa. Basi usiwafurahishe maadui juu yangu, wala usinifanye pamoja na watu madhaalimu.” (Aya ya 150 ya Surah Al-A’raf)

Viongozi wa dini wasikatae kukemea viongozi kwa sababu tu wana undugu au urafiki nao. Pia, ukweli kwamba maadui wa dini wanaweza kuwa na furaha baada ya kuona adhabu ya wakosefu sio sababu ya kutowaadhibu. Musa (AS) alijua kwamba kuadhibu Harun kungefurahisha maadui lakini alitenda kwa kuzingatia haki hata hivyo kwa vile alifikiri Harun alikuwa ametenda vibaya.

Hili lilikuwa somo la kuelimisha ili watu wenye ukaidi watambue ubaya wa walichokifanya na kurudi kumwabudu Mungu.

Alichokifanya Musa (AS) kinaonyesha kwamba hatatofautisha kati ya ukoo wake na wengine linapokuja suala la kutekeleza uadilifu.

Ilipothibitishwa kwamba Harun hakuwa amefanya kosa lolote, Musa (AS) aliomba msamaha wa kimungu kwa ajili yake na ndugu yake.