Таъкид бар бозгашти сулҳ ва амнияти минтақа дар Созмони Милал ва поёни нишасти бидуни баёния + филм
Ба гузориши Алҷазира, Шӯрои Амнияти Созмони Милал ҷаласаи худро барои баррасии авзоъ дар минтақаи Ғарби Осиё пас аз иқдоми талофиҷӯёнаи Эрон алайҳи режими саҳюнистӣ оғоз кард.
Антонио Гутерриш, дабири кулли Созмони Милали Муттаҳид дар ҷаласаи Шӯрои Амнияти Созмони Милал дар бораи авзоъ дар минтақаи Ғарби Осиё, хостори коҳиши таниш шуд.
Дабири кулли Созмони Милал дар оғози нишасти Шӯрои Амният гуфт: маконҳои дипломатик масуният доранд ва Исроил бо ҳамла ба консулгарии Эрон дар Димишқ ин аслро нақз кард.
Намояндаи Амрико дар Шӯрои Амният: Эрон аз тааҳҳудоти байналмилалии худ шона холи мекунад
Роберт Вуд, намояндаи Амрико дар ин ҷаласа низ бо такрори иттиҳомот алайҳи Эрон, гуфт ин вазифаи Шӯрои Амният аст, ки иҷоза надиҳад иқдомоти Эрон бидуни посух бимонад.
Намояндаи Кореяи Ҷанубӣ дар Шӯрои Амният: Ҳамлаи дирӯзи Эрон боиси нигаронӣ шуд
Намояндаи Кореяи Ҷанубӣ дар ҷаласаи Шӯрои Амнияти Созмони Милал дар бораи посухи Эрон ба Исроил гуфт: Вақте Исроил ба сохтумони Эрон ҳамла кард мо ҳушдор додем.
Намояндаи Япония аз «паёмадҳои ҳамлаи Эрон ба Исроил» ибрози нигаронӣ кард; Чаро ки ба иддаои ӯ «ҳамаро дар маърази хатар қарор медиҳад».
Намояндаи Фаронса дар Шӯрои Амният низ ҳамлаи талофиҷуёнаи «бесобиқаи» Эрон алайҳи аҳдофе дар сарзаминҳои ишғолиро маҳкум кард.
Намояндаи Англис ҳам посухи Эронро маҳкум кард ва муддаӣ шуд ин иқдоми ҷонҳои ҳазорон нафарро таҳдид кардааст.
Таъкиди намояндаи Русия бар намоиши риёкорӣ ва стандартҳои дугона ва шармовари Шӯрои Амният
Василий Небензия, сафири Русия дар Созмони Милал гуфт замоне, ки ба сохтумони консулии Эрон дар Димишқ ҳамла шуд, мо дар бораи маҳкумнакардани он дар Шӯрои Амният ҳушдор дода будем.
Василий Небензия гуфт: он чи имрӯз дар Шӯрои Амният шоҳидИ он ҳастем, намоишИ риёкорӣ ва стандартҳои дугона аст ва ин шармовар аст.
Намояндаи Чин дар Шӯрои Амният ҳам гуфт тӯлонишудани даргириҳо дар Ғазза боиси ташдиди бештари таниш дар минтақа мешавад.
Ҳушдори сареҳи Эрон: агар Амрико ба мо ҳамла кунад, аз ҳаққи худ барои посух истифода хоҳем кард.
Поёни ҷаласаи Шӯрои Амният бидуни судури ҳеҷ баёния ва ё қатънома
