İQNA-nın (Beynəlxalq Quran Xəbər Agentliyi) verdiyi xəbərə görə, Azərbaycan respublikasının İslam Partiyası İran İslam Respublikasının “Sançı” neft tankerinin qəzaya uğraması nəticəsində 32 nəfər heyətin həyatını itirməsi ilə bağlı İran xalqına başsağlığı ismarıcı ünvanlayıb.
Partiyanın Mətbuat Xidmətindən "İslaminSesi"nə daxil olan başsağlığında deyilir:
“İran dövlətinə məxsus “Sançı” neft tankerinin yanvar ayının 6-da Çin sahillərində qəzaya uğraması nəticəsində 32 nəfər heyətin həyatını itirməsi ilə bağlı İran İslam Respublikası Ali Rəhbəri, Mərceyi-təqlid, Ayətullahul-uzma Seyyid Əli Hüseyni Xameneyi Həzrətlərinə, İran xalqına sonsuz kədər hissi keçirdiyimizi bildirir, dərin hüznlə başsağlığı veririk.
İran dövlətinin və İran xalqının inkişafı yolunda çalışaraq həlak olmuş insanlara Allahdan rəhmət, ailələrinə, yaxınlarına səbr diləyirik. Qardaş ölkə və qardaş xalqa baş verən ağır itki bizləri də kədərləndirdi və yanınızda olmaqla bunu öz itkimiz hesab etdik.
Allah rəhmət eləsin!”
Azərtbaycan İslam Partiyasının (AİP) sədr əvəzi
Hacı İlham Əliyev