کویتی استاد: عربی زبان کی جامعیت قرآن کا اس زبان میں نزول کی وجہ ہے

ایکنا: بین الاقوامی لاء کالج کویت کے عربی زبان کے استاد کا کہنا ہے کہ عربی زبان ایک جامع ترین زبان ہے اور اسی وجہ سے قرآن اس زبان میں نازل ہوا ہے۔

ایکنا نیوز- نیوز چینل الجزیرہ کے مطابق کویت میں بین الاقوامی قانون کی فیکلٹی میں عربی زبان کے پروفیسر محمد حسن ال تیان کہتے ہیں: قرآن ایک لسانی معجزہ ہے، اور خدا نے بہترین زبان کا انتخاب کیا، یعنی عربی زبان، اس کتاب کے لیے۔ بہت سے محققین کے مطابق یہ زبان دنیا کی سب سے خوبصورت اور جامع زبان ہے۔

التیان، جس نے پروگرام "رمضان میں شریعت اور زندگی" میں عربی زبان کی حیثیت اور فضیلت، قرآن کے معجزے اور اس کے منفرد بیانات پر گفتگو کی ہے، انکے مطابق انہوں نے تاریخ میں ایسی قوم نہیں دیکھی جو عربوں کے ساتھ ساتھ بیان بازی میں بھی کمال رکھتے ہیں عرب فصیح و بلیغ کلام کا اس حد تک احترام کرتے تھے کہ کہا جاتا تھا کہ عرب لوگ فصیح کلامی سے پہلے بتوں کو سجدہ کرتے تھے۔

انہوں نے کہا کہ قرآن فصاحت کے ساتھ نازل ہوا ہے اور دنیا میں اس سے بڑی اور اعلیٰ کوئی چیز نہیں ہے اور یہ وہ چیز ہے جس سے دیگر حکما عاجز ہیں، انہوں نے کہا کہ ہر نبی کا معجزہ ہمیشہ ایسا ہوتا ہے جس میں ان کی قوموں کو سبقت حاصل ہوتی ہے۔ چنانچہ حضرت محمد صلی اللہ علیہ وآلہ وسلم کا معجزہ قرآن کی فصاحت میں تھا۔

الطیان نے اسلام کے ابتدائی دور میں عربوں کی طرح محض سماعت کے ذریعے اس معجزہ کو سمجھنے میں جدید عربوں اور مسلمانوں کی کمزوری کا ذکر کرتے ہوئے وضاحت کی کہ یہ وقت کے فرق اور انسانی صلاحیتوں میں تبدیلی کی وجہ سے ہے۔ اسلاف نے "فطری فصاحت" سے استفادہ کیا اور قرآن سننے اور اس کی فصاحت سے متاثر ہوئے۔/

4208076