Bəhreyndə İsrail səfirliyinin açılışına görə etiraz aksiyaları keçirilib - Foto
Bəhreyn paytaxtı Mənamə İsrailin xarici işlər nazirinin bu əmirliyə səfərinə və burada İsrail səfirliyinin açılışna görə etiraz aksiyalarının şahidi olub.
Bəhreynin paytaxtı Mənamə şəhərinin mərkəzi küçərləri İsraillə münasibətlərin rəsmiləşdirilməsinə qarşı etiraz aksiyalarının şahidi olub.
Bəhreynin ana müxalifət partiyası “əl-Vəfaq Cəmiyyəti” habelə ölkənin bir sıra alimləri İsrailin Bəhreyndə səfirliyinin açılması ilə bağlı bəyanat verərək, bu addımı kəskin qınayıblar.
Qeyd edək ki, ötən gün İsrailin xarici işlər naziri Yair Lapid Bəhreynə səfəri çərçivəsində ölkəsinin əmirlikdə olan səfirliyinin açılışını edib.
BƏƏ və Bəhreyn ötən ilin sentyabr ayında İsraillə münasibətləri normallaşdırmaq və rəsmiləşdirmək barədə Vaşinqtonda birgə saziş imzalayıblar. Daha sonra Sudan və Mərakeş də İsraillə münasibətləri normallaşdırdıqlarını elan ediblər. Bununla da İsraillə münasibətləri normallaşdıran ərəb dövlətlərinin sayı altıya çatıb. / 4001507
