Əvamiyyədə Ali-Səud rejim qüvvələrinin açdığı atəş nəticsəində 5 nəfər şəhid olub
İQNA (Beynəlxalq Quran Xəbər Agentliyi) Maide.Az-a istinadla xəbər verir ki, beynəlxalq ictimaiyyətin sükutu nəticəsində Ali-Səud rejiminin cinayətləri Əvamiyyə bölgəsində davam edir.
Ötən gecədən başlayaraq Səudiyyə rejim qüvvələri Əvamiyyə bölgəsində şiələrin evlərini toplarla atəşə tutub. Bir çox Əhli-beyt (ə) ardıcılı yaralanıb, insanların evlərinə, şəxsi avtomobillərinə ziyan dəyib.
Məlumata görə, şəhid olan şəxslərdən biri tanınmış incəsənət ustası Möhsin əl-Ovcamidir. Onunla birlikdə 2 Hindistan vətəndaşı da öldürülüb.
"Twitter"də yayımlanan məlumata görə, Əvamiyyə bölgəsində şəhid olan digər bir nəfər Hüseyn Məhəmməd Əbu Abdullahdır. O, öz evinin qarşısında avtomobilinin içərisində olarkən, Ali-Səud rejim qüvvələri onun avtomobilinə atəş açıb. Avtomobildə yanğın baş verib və o yanaraq şəhid olub.
